काठमाडौं । वाणिज्य बैंकहरुको साउन महिनाका लागि मुद्दति निक्षेपको ब्याजदर घटाएका छन् ।
औसतमा हेर्दा २० वाणिज्य बैंकहरुले साउनका लागि ०.१३७ प्रतिशत विन्दुले ब्याजदर घटाएका हुन् ।
वाणिज्य बैंकहरुले असारमा ६.८८ प्रतिशत ब्याज दिएका थिए । साउनका लागि व्यक्तिगत तर्फ मुद्दति निक्षेपको ब्याजदर ६.७४ प्रतिशत कायम भएको छ ।
विवरण अनुसार १३ बैंकको ब्याजद घटेको छ भने ५ बैंकहरुले असारकै ब्याजदरलाई निरन्तरता दिएका छन् । यस्तै, २ बैंकले ब्याजदर बढाएका छन् ।
साउनमा ब्याजदर बढाउनेमा कृषि विकास बैंक र एभरेस्ट बैंक छन् । यी बैंकले ०.६३२ र ०.५५ प्रतिशत विन्दुले ब्याजदर बढाएका छन् ।
यस्तै, सबैभन्दा बढी ब्याजदर घटाउनेमा हिमालयन बैंक रहेको छ । हिमालयन बैंकले ०.७५ प्रतिशत विन्दुले ब्याजदर घटाएको छ ।
