चन्द्रप्रकाश नेपाली,
घोराही । दाङमा लागु औषध ब्राउन सुगर सहित तिन जना पक्राउ परेका छन् । लमही नगरपालिका २ श्रीगाउँ स्थित ड्रिमल्याण्ड होटलबाट तीन जनालाई ३९ ग्राम लागु औषध ब्राउन सुगर सहित पक्राउ गरिएको पाँच नम्वर प्रदेश प्रहरी कार्यालय तुलसीपुरले जनाएको छ ।
पक्राउ पर्नेहरुमा कपिलबस्तु शिवराज नगरपालिका २ का ४० बर्षिय शालिकराम सारुमगर, उनकी श्रीमती ३३ बर्षिया पार्वती र सोहि ठाउँका ३२ बर्षिय चन्द्रबहादुर बगाले मगर रहेको प्रहरी बरिष्ठ उपरिक्षक राजकुमार बैदावारले जानकारी दिनुभएको छ ।
सुचनाको आधारमा जिल्ला प्रहरी कार्यालयका प्रहरी सहायक निरीक्षक युवराज गौतमको कमाण्डमा सादा पोसाकमा गएको प्रहरी टोलीले उनीहरुलाई पक्राउ गरेको हो ।
प्रहरीले उनीहरुको साथबाट खेरो रङको धुलो पदार्थ ३९ ग्राम ब्राउन सुगर र उनीहरुले प्रयोग गरेको बा १२ च २११६ नम्वरको स्कारपियो गाडी बरामद गरेको छ ।
