एजेन्सी ।
संसारमै सर्वाधिक फलोअर हुने मध्येका एक भारतीय प्रधानमन्त्री नरेन्द्र मोदीको ट्वीटर अकाउन्ट ह्याक भएको छ ।
मोदीको व्यक्तिगत वेबसाइटसँग जोडिएको ट्वीटर अकाउन्ट ह्याक भएको भारतीय सञ्चार माध्यमले जनाएका छन् । ह्याकरले कोरोना कोषका लागि दान गर्न आह्वान गर्दै मोदीको अकाउन्टबाट क्रिप्टोकरेन्सीसँग सम्बन्धित श्रृंखलाबद्ध ट्वीट गरेपछि सबै चकित परेका थिए ।
मोदीको व्यक्तिगत भेरिफाइड अकाउन्टमा ६ करोड भन्दा बढी फलोअर रहेका छन् । तर अफिसियल लिङ्क जोडिएको उक्त काउण्टमा भने २५ लाख फलोअर छन् ।
लिङ्क जोडिएको अकाउन्ट किन ह्याकिङ गरियो खुल्न सकेको छैन । मोदीको ट्वीट ह्याकिङबारे अनुसन्धान भैरहेको ट्वीटरलाई उद्धृत गर्दै बीबीसीले जनाएको छ।
यस अघि ह्याकरहरुले अमेरिकी राष्ट्रपतीय उम्मेद्ववार जो बाइडन, पूर्वराष्ट्रपति बाराक ओबामा लगायतका बिशिष्ठ व्यक्तिको ट्वीटर पनि ह्याक गरेका थिए ।
