चन्द्र प्रकाश नेपाली
१२ भाषामा संगीत गरेको भन्दै दाङका सन्तोष श्रेष्ठले गिनीज बुकमा नाम लेखाउन सफल हुनुभएको छ ।
श्रेष्ठले नेपाली भाषासंगै हिन्दी, चाइनिज, जापानी, अंग्रेजी, रसियन, कोरियन, फ्रेन्च, स्पेन, इटालियन, जर्मन, थाई भाषाका गीतहरुमा संगीत गर्नुभएको छ ।
वल्र्ड रेकर्डमा नाम लेखाउने क्रममा श्रेष्ठले संगीत गरेका गीतहरुका बारेमा जानकारी गराइएको थियो ।
तिम्ले पराई ठानेपछि पराई हुन.., तिम्रो दिलमा चोट लाग्दा मेरो दिलमा दुख्छ जस्ता दर्जनौँ नेपाली गीतमा संगीत गर्नुभएका श्रेष्ठले अन्य ११ भाषामा पनि संगीत गर्नुभएको छ ।
संगीतकारको रुपमा चर्चामा रहनुभएका श्रेष्ठले संगीतकारका रुपमा बिश्व कीर्तिमानी प्रमाणपत्र प्राप्त हुदा निकै खुशी भएको प्रतिक्रिया दिनुभएको छ । श्रेष्ठले डा. डिआर उपाध्यायको शब्दमा १४ भाषामा गीत रेकर्डिङ गरिएको थियो ।
बिगत २० बर्षदेखि नेपाली गीत संगीत क्षेत्रमा सक्रिय सन्तोषले प्रमाण पत्र प्राप्त हुदा थप हौसला मिलेको बताउनुभएको छ । यसअघि दाङका चन्द्रबहादुर डाँगी बिश्वका होचो ब्यक्तिका रुपमा नाम लेखाउन सफल भएका थिए भने दाङकै ऋषिश्वर परियारले पनि हातले टेकेर हिड्ने कार्यमा नाम लेखाउन सफल हुनुभएको छ ।
