नेपलमा आज ७० जनामा कोरोना संक्रमण पुष्टि, ४३१ जना डिस्चार्ज

जनादेश संवाददाता

काठमाडौं । पछिल्लो २४ घण्टामा थप ७० जनामा कोरोना भाइरस (कोभिड-१९)को संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार ३ हजार ६४८ नमुना परीक्षण गर्दा उनीहरुमा संक्रमण पुष्टि भएको हो । साथै ४३१ जना निको भएर डिस्चार्ज भएका छन् ।

योसँगै नेपालमा कोरोना संक्रमितको संख्या १६ हजार ७१९ पुगेको छ।

पछिल्लो २४ घण्टामा ३ हजार ६४८ पीसीआर परीक्षण गरिएको थियो।

विगत २४ घण्टामा ४ सय ३१ जना कोरोना संक्रमण मुक्त भएका छन् । हालसम्म ८ हजार ४ सय ४२ जना कोरोना निको भएर डिस्चार्ज भएका छन् ।