टिकाराम पोर्खेल
काठमाण्डौ । देशभरीका ७ सय ५३ मध्ये ६० प्रतिशतभन्दा बढी स्थानीय सरकारहरू निर्धारित मितिमा बजेट प्रस्तुत गर्न असफल भएका छन् । संघीय मामिला तथा सामान्य प्रशासन मन्त्रालयका अनुसार ४ सय ५२ वटा स्थानीय सरकारले अझैसम्म बजेट प्रस्तुत गर्न सकेका छैनन् ।
जबकि असार १० गते भित्रै सबै स्थानीय तहले बजेट ल्याइसक्नुपर्ने थियो । पारित गरिसक्नुपर्ने असारमसान्तसम्म पनि उनीहरूले बजेट पेस गर्न नसकेको मन्त्रालयले जनाएको छ ।
प्रदेश १ का ८४, प्रदेश २ का१०९, बागमतीका ६७, प्रदेश ५ का ४८, कर्णालीका ५० र सुदूरपश्चिम प्रदेशका ५६ वटा स्थानीय तहले बजेट ल्याउन सकेका छैनन् ।
स्थानिय सरकारहरुले राष्ट्रिय प्राकृतिक स्रोत तथा वित्त व्यवस्थापन सम्बन्धी कानुनले तोकेको सुत्र अनुसार संघले बजेट विनियोजन नगर्दा स्थानीय तहहरूको योजना तर्जुमा असर परेको बताएका छन् ।
