एजेन्सी ।
सामाजिक सञ्जाल ट्वीटरमार्फत आफ्नो सम्पर्कमा आएका व्यक्तिको हत्या गर्ने एक सिरियल किलरलाई पक्राउ गरिएको छ । जापानका ताकाहिरो सिराइसीले ट्वीटर मार्फत आफ्नो सम्पर्कमा आएका नौ व्यक्तिको हत्या गरेका थिए ।
उनीविरुद्ध हत्या अभियोगमा मुद्धा अघि बढाइएको जापानी छ । ट्वीटर किलर ’ को उपनामले कुख्याती कमाएका सिराइसीलाई सन् २०१७ मा प्रहरीले गिरफतार गरेको थियो । त्यसबेला उनको अपार्टमेन्टबाट मानव अंगका टुक्राहरु बरामद भएको थियो । बुधवार राजधानी टोकीयोस्थित अदालतमा उनले आफुविरुद्ध लगाइएका सम्पूर्ण अपराध स्वीकार गरेका छन् । उनका वकिलहरुले भने पिडितहरुले नै उनलाई आफ्नो हत्या गर्न सहमति दिएको भन्दै उनको संजाय घटाउनु पर्ने माग गरेका थिए । तर, उनले आफ्नै वकिलको भनाई काट्दै पिडितहरुलाई उनीहरुको अनुमति बिना नै आफुले मारेको दावी गरेका छन् ।
अदालतले उनलाई सम्पूर्ण हत्याकाण्डका लागि दोषि करार गर्नुका साथै मृत्युदण्ड सुनाएको छ । ताकाहिरोले सन् २०१७ मा आत्महत्या गर्ने विचारमा रहेकी एक महिलाहरुलाई सम्पर्क गर्न ट्वीटर अकाउन्ट खोलेका थिए । उनले हत्या गरेका आठ जना पिडित महिला रहेका छन् भने एक जना २० वर्षिय पुरुष रहेका छन् । ती मध्ये सबैभन्दा कम उमेरकी एक १५ वर्षिया किशोरी रहेकी छन् । २९ वर्षिय ताकाहिरोले आफुले मर्न चाहनेहरुलाई सजिलै मर्ने तरिका बताउने र आफु पनि तिनीहरुसंगै मर्ने बताएर शिकार फसाउने गरेको बताइएको छ ।
‘ साँच्चै पिडा भोगिरेका हरुलाई म मद्धत गर्न चाहन्छुं । कृपया मलाई कुनैपनि बेला प्रत्यक्ष सन्देश पठाउनू होला उनले यस्तो प्रकारको सन्देश ट्वीटरमा लेख्ने गर्दथे ।
