इंग्ल्यान्डको बलियो सुरुआत

म्यानचेस्टर । इंग्ल्यान्डले वेस्ट इन्डिजविरुद्धको दोस्रो टेस्टको पहिलो दिन बिहीबार बलियो सुरुआत लिएको छ । टस हारेर पहिले ब्याटिङको निम्तो पाएको इंग्ल्यान्डले दिनको खेल टुंगिदा तीन विकेट गुमाएर २ सय ७ रन बनाएको छ ।

नटआउट ब्याट्सम्यानमध्ये डन सिबलीले ८६ र बेन स्टोक्सले ५९ रन बनाए । उनीहरूले १ सय २६ रनको साझेदारी गरिसकेका छन् । यसअघि इंग्ल्यान्डले २९ रन बनाउँदाम्म दुई विकेट गुमाइसकेको थियो ।

वेस्ट इन्डिज तीन टेस्टको सिरिजमा १–० ले अगाडि छ ।