जनादेश, काठमाडौँ ।
प्रधानमन्त्री केपी शर्मा ओलीले पाँच जना नयाँ मन्त्रीहरु थप गरी मन्त्रिपरिषद् विस्तार गरेका छन् ।
प्रधानमन्त्री ओलीले शुक्रबार मन्त्रिपरिषद् विस्तार गरी शपथग्रहण गराउन लागेका हुन् । प्रधानमन्त्री र उनी पक्षीय नेताहरुको रणनीति पुष्पकमल दाहाल प्रचण्डको साथ छोडेर आउनेलाई मन्त्री पदबाट पुरस्कृत गर्ने देखिएको छ । थपिएका मध्ये पाँचै जना पूर्व माओवादी खेमाका हुन् । पूर्व माओवादीमध्येका टोपबहादुर रायमाझीलाई ऊर्जा मन्त्रालयको जिम्मेवारी दिइएको छ।
ओलीले प्रभु साहलाई श्रममन्त्रीको जिम्मेवारी दिएका छन् । पर्यटनमन्त्रीमा मणि थापाले जिम्मेवारी पाएका छन् भने शिक्षामन्त्री दावा लामा र खानेपानीमन्त्री गौरीशंकर चौधरीलाई बनाइएको छ । उनीहरु सबै पूर्वमाओवादी समूहका हुन् ।