जनादेश, काठमाडौँ ।
नेत्रविक्रम चन्द विप्लवका छोरा प्रकाश चन्दले खुमलटार पुगेर नेकपा अध्यक्ष एवं पूर्वप्रधानमन्त्री पुष्पकमल दाहाल ‘प्रचण्ड’पत्नी सीता दाहालको अवस्थाबारे जानकारी लिएको खुलेको छ ।
सीतालाई उपचारका लागि भारतको मुम्बई लगिनु अघि प्रकाश खुमलटार पुगेका थिए । सीता दाहाललाई भेट्न प्रकाश सोमवार बिहान करीब ९ बजे खुमलटार पुगेको खुमलटार श्रोतले बताएको छ । प्रकाश मेडिकल डाक्टर समेत हुन् । १६ वर्षपछिको भेटमा प्रकाशले सीता दाहाललाई शीघ्र स्वास्थ्यलाभको कामना गर्दै स्वास्थ्यसम्बन्धी केही सुझावहरू पनि दिएको बताइएको छ ।
नेत्रविक्रम चन्दले १० वर्षे जनयुद्ध प्रचण्डकै नेतृत्वमा लडेका थिए । केपी ओलीले संसद विघटन गरेपछि विप्लवले प्रचण्ड लगायताका नेतालाई सहकार्यको प्रस्ताव राखिसकेका छन् ।
