जनादेश, काठमाडौं ।
नेकपा प्रचण्ड–नेपाल समूहले माघ २८ गते काठमाडौँमा हुने जनप्रदर्शन तथा विरोधसभामा सबैलाई सहभागी बन्न आग्रह गरेको छ । नेकपा अध्यक्षद्वय पुष्पकमल दाहाल ‘प्रचण्ड’ र माधवकुमार नेपालले नेकपाको आधिकारिक फेसबुक पेजमार्फत ओली प्रतिगमनविरुद्धको विशाल प्रदर्शन र विरोधसभामा सहभागी बन्न भिडियो सन्देश जारी गरेका छन् ।
भिडियो सन्देशमा प्रचण्डले प्रतिगमनलाई परास्त गर्ने र संविधान र संघीय लोकतान्त्रिक गणतन्त्रलाई सुदृढ गर्ने अभियानका रुपमा सभा र जनप्रदर्शन राखिएको जानकारी दिएका छन् ।
‘म यो ऐतिहासिक घडीमा सम्पूर्ण नेपाली जनसमुदायहरुसँग हामी सवैले लडेर प्राप्त उपलब्धिको रक्षा गर्नका निम्ति माघ २८ गते काठमाडौँको विरोध प्रदर्शनमा सहभागी हुन र प्रतिगमनलाई परास्त गर्न अपील गर्न चाहान्छु’, अध्यक्ष प्रचण्डले भनेका छन् ।
केन्द्रीय संघर्ष समितिको आयोजनामा प्रचण्ड नेपाल समूह ले २८ गते काठमाडौँमा विशाल जनपर्दन गर्ने तयारी गरेको छ ।
https://www.facebook.com/prachanda.nepal/videos/906213496781244