जनादेश, काठमाडौं ।
नेकपा प्रचण्ड नेपाल समूहका वरिष्ठ नेता झलनाथ खनालले प्रधानमन्त्री केपी शर्मा ओली दुई वर्षपछि हुने निर्वाचनमा पराजित हुने निश्चित भएको बताएका छन् । प्रतिनिधिसभा विघटनविरुद्ध प्रचण्ड नेपाल पक्षले आज काठमाडौँमा गरेको आमसभामा बोल्दै दनालले सो कुरा बताएका हुन् ।
ओलीले संविधान भत्काएको जनाउँदै अब ६२/६३ साल भन्दा भन्दा ठूलो जनआन्दोलन हुने उनले चेतावनी समेत दिएका छन् । राजनीतिक र सैद्धान्तिक रुपले पराजित भइसकेका कारण ओली संकल्प पुजा गर्ने अवस्थामा पुगेको खनालले जनाएका छन् ।
‘मिस्टर केपी दुई वर्षपछि हुने निर्वाचनमा तपाईको जमानत जफत हुन्छ’ उनले भने।
यस्तै, ओलीले ३ वर्षमा कृषि क्रान्तिको क पनि उच्चारण नगरेको बताउँदै खनालले भने, ‘ओलीले ३ वर्षमा कृषि क्रान्तिको क पनि उच्चारण गरेन्न। हामी समाजवादका लागि अगाडि बढिरहेका छौं। पुष्पलालले पार्टी स्थापना गर्दा जनवाद भन्थे, यही हो जनवाद। केपी ओलीको धज्जी उडाएर आलोचना गर्न पाएका छौ त्यहि हो जनवाद।’