जनादेश अपडेट ।
लामो समयसम्म धुम्म रहेर खुल्न लागेको आकासमा फेरि तुवाँलो देखिएको छ । काठमाडौं लगायतका क्षेत्रमा तुवाँलोले आकास फेरि धुम्म भएको हो ।
हाल नेपालमा स्थानीय वायुका साथै पश्चिमी वायुकोसमेत आंशिक प्रभाव छ । मौसम पूर्वानुमान महाशाखाले अहिले देशका धेरै स्थानमा तुँवालो लागेको जनाएको छ ।
तुवाँलो घातक रहेकाले सकेसम्म बाहिर ननिसक्न र निस्कन परे मास्क वा चस्माको प्रयोग अनिवार्य गर्न विज्ञहरुले सुझाएका छन् ।
मौसम कस्तो रहला !
मौसम पूर्वानुमान महाशाखाले पहाडी भू-भागका केही स्थानमा अपराह्नपछि मेघ गर्जन र चट्याङसहित क्षणिक वर्षा हुने सक्ने जानकारी दिएको छ । महाशाखाका अनुसार केही भागमा तुँवालोको असर रहने छ ।
सुदूरपश्चिम प्रदेशलगायत पहाडी भू-भागमा बदली रहने महाशाखाले जनाएको छ ।
महाशाखाका अनुसार भोली (मंगलबार) पहाडी भू-भागमा बदली रहने छ । पहाडी भू-भागका केही स्थानमा अपराह्नपछि मेघ गर्जन र चट्याङसहित क्षणिक वर्षा हुने महाशाखाले जनाएको छ ।
बुधबार पहाडी भू-भागका केही स्थानमा क्षणिक वर्षा हुने महाशाखाको पूर्वानुमान छ ।
