एजेन्सी ।
अमेरिकाले चारजना चिनियाँ नागरिकविरुद्ध भिसा जालसाजीको आरोप लगाएको छ ।
चार जनामध्ये तीन जना पक्राउ परी सकेका छन् भने एक जनाको खाजी भइरहेको अमेरिकी सञ्चारमाध्यमले जनाएका छन् । खोजी भइरहेका चौथो व्यक्ति सन फ्रान्सेस्कोस्थित चिनियाँ वाणिज्य दूतावासमा रहेको अमेरिकाले दाबी गरेको छ ।
एफबिआईले चिनियाँ सैनिकसँग अघोषित सम्बन्ध रहेको आशंकामा अन्य मानिससँग समेत सोधपुछ गरेको छ । आर्मीका वैज्ञानिकलाई अमेरिका पठाउने अभियानमा चीनले उनीहरुलाई सैन्य सम्बद्धताबारे जानकारी नखुलाई भिसा लिन लगाएको अमेरिकी अधिकारीले आरोप लगाएका छन् ।
यस्तै, अमेरिकाले ह्युस्टनमा रहेको चिनियाँ वाणिज्य दूतावास बन्द गर्नका लागि ७२ घण्टाको अल्टिमेटम समेत दिएको थियो । यी सबै घटनाक्रमले अमेरिका चीनप्रति पूर्वाग्रह रहेको देखिन्छ ।
