जनादेश, काठमाडौँ ।
संघीय संसद भवन नयाँबानेश्वरमा सभामुख अग्निप्रसाद सापकोटा र शीर्ष नेताहरुबीच छलफल सुरु भएको छ । सभामुख सापकोटाले संघीय संसदमा प्रतिनिधित्व गर्ने राजनीतिक दलका प्रमुखहरु र पूर्वप्रधानमन्त्रीहरुसँग छलफलका लागि सर्वदलीय बैठक आह्वान गरेका थिए ।
बैठकमा नेपाली कांग्रेसका सभापती शेरबहादुर देउवा, माओवादी केन्द्रका अध्यक्ष पुष्पकमल दाहाल प्रचण्ड, पूर्वप्रधानमन्त्रीहरु माधव कुमार नेपाल, डा.बाबुराम भट्टराई र झलनाथ खनाल , जसपा अध्यक्ष उपेन्द्र यादव, राप्रपाबाट दिपक बोहोरा, नेमकिपाबाट प्रेम सुवाल सहभागी छन् । बैठकमा झलनाथ खनाल भर्चुअल प्रविधिबाट सहभागी भएका छन् भने प्रधानमन्त्री केपी शर्मा ओली सहभागी भएका छैनन् ।
