जनादेश नेपाल, काठमाण्डौं । प्रधानमन्त्रीसमेत रहेका नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ र नेपाल समाजवादी पार्टी (नेसपा) का अध्यक्ष डा. बाबुराम भट्टराईबीच भेटवार्ता भएको छ ।
उनीहरूबीच प्रधानमन्त्री सरकारी निवास बालुवाटारमा शनिवार बिहान भेटवार्ता भएको नेसपा सहअध्यक्ष गंगानारायण श्रेष्ठले बताए । उनकाअनुसार प्रचण्ड-भट्टराईबीच पार्टी एकतालगायतका विषयमा कुराकानी भएको छ ।
माओवादी केन्द्र-नेसपाबीच पार्टी एकताको प्रयास चुनावअगावै गरिएको भएपनि विभिन्न राजनीतिक एवम् प्राविधिक कारणले थाँती रहेको थियो । अब भने पार्टी एकता-प्रक्रियालाई तीव्रता दिने सहअध्यक्ष श्रेष्ठले बताए । त्यसका लागि आइतबार नेसपा राजनीतिक समितिको बैठक बस्दैछ ।
