जनादेश, काठमाडौँ ।
काठमाडौँको कालीमाटी, कुलेश्वर र बल्खु क्षेत्रका ४० जना तरकारी व्यापारीमा कोरोना संक्रमण देखिएको छ ।
उनीहरुमा संक्रमण देखिए लगत्तै काठमाडौँ महानगरपालिका–१४ ले कुलेश्वर र बल्खु क्षेत्रका पसल तथा केही क्षेत्र सिल गरेको छ । विभिन्न स्थानबाट तरकारी ओसार पसारका लागि मानिसको अत्याधि भीड हुने हुँदा संक्रमण फैलिएको हुनसक्ने अनुमान गरिएको छ ।
यस्तै, वडा कार्यालयले समेत अत्यावश्यक बाहेकका सम्पूर्ण सेवाहरु बन्द गरेको छ । महानगरीय प्रहरी वृत्त कालीमाटी र स्थानीय तहको समन्वयमा कोरोना जोखिम क्षेत्रको पहिचान गरी सिल गर्ने कार्य जारी छ ।
