जनादेश, काठमाण्डौं । उहाँ लेकम गाउँपालिका ५ दार्चुलाबाट आएकी हिरादेवी जोशी । पहिलोपटक काठमाडौ घुम्न आएकी हिरादेवी सिंहदरवारस्थित सन्चार तथा सूचना प्रविधि मन्त्री रेखा शर्मा को कार्यकक्षमा पुगेपछि भावुक हुनुभयो ।
जनयुद्धकालमा भूमिगत श्रीमान कहिले सकुशल घर फर्केलान भनेर प्रतीक्षा गर्दै पाँच छोराछोरी हुर्काएको याद सुनाउदै हिरादेवीले भन्नुभयो- आज सिंहदरवार छिर्दा श्रीमानले राम्रै कामका लागि घर छाडेका रहेछन् भन्ने लाग्यो, म जसरी आज यहाँ आउदा खुशी भए, सबै जनताको मनको कुरा बुझेर सबैलाई खुशी बनाउनुहोला मन्त्रीज्यू ।
मन्त्रीज्यूले पनि जनताको एकता र संघर्षका कारण व्यवस्था बदलिएको जस्तै अब फेरि सबै मिलेर जनताको अवस्था बदल्न आफूहरु लागेको बताएपछि खुशी मन लिएर फर्कनुभयो आमा ।
