काठमाडौं । नेपाली बजारमा आज सुनको मूल्य घटेको छ ।
नेपाल सुनचाँदी व्यवसायी महासंघका अनुसार आज छापावाल सुन प्रतितोला ८०० रुपैयाँले घटेर १ लाख ३५ हजार ६०० रुपैयाँमा कारोबार भइरहेको छ । त्यस्तै, तेजावी सुनको मूल्य प्रतितोला १ लाख ३४ हजार ९५० रुपैयाँ कायम भएको छ ।
महासंघका अनुसार आज चाँदी प्रतितोला १५ रुपैयाँले बढेर १६ सय ८५ रुपैयाँमा किनबेच भइरहेको छ । बुधबार चाँदी प्रतितोला १६ सय ७० रुपैयाँमा कारोबार भएको थियो ।
