काठमाडौँ । सर्वोच्च अदालतले नेपाल धितोपत्र बोर्डको अध्यक्ष नियुक्ति प्रक्रिया रद्द नगर्न अल्पकाली अन्तरिम आदेश दिएको छ। सन्तोषनाराणय श्रेष्ठले दायर गरेको रिटमा सुनुवाइ गर्दै न्यायाधीश अब्दुल अजीज मुसलमानको इजलासले सो आदेश दिएको हो।
इजलासले विपक्षसँग लिखित जवाफ माग गरेको छ र अन्तरिम आदेशका लागि दुवै पक्षलाई छलफलमा बोलाएको छ ।
राष्ट्रिय योजना आयोगका उपाध्यक्ष मीनबहादुर श्रेष्ठको संयोजकत्वमा गठित धितोपत्र बोर्डको अध्यक्ष सिफारिस समितिले गत शुक्रबार सबै प्रक्रिया रद्द गरेको थियो ।
बोर्ड अध्यक्षको सर्ट लिस्टमा परेका सन्तोषनारायण श्रेष्ठ र बोर्डका कार्यकारी निर्देशक मुक्तिनाथ श्रेष्ठ कार्ययोजना प्रस्तुतीकरणमा उपस्थित भएका थिए भने बोर्डका अर्का कार्यकारी निर्देशक डा. नवराज अधिकारी, बिमा प्राधिकरणका पूर्वअध्यक्ष चिरञ्जीवी चापागाईँ र नेपाल स्टक एक्सचेन्ज (नेप्से) का प्रमुख कार्यकारी अधिकृत कृष्णबहादुर कार्की भने कार्ययोजना प्रस्तुतीकरण तथा अन्तर्वार्तामा सहभागि भएका थिएनन् ।
