काठमाडौँ । बुधबार सेयर बजार परिसूचक नेप्से ३.७९ अंकले बढेर दुई हजार १०४.२२ विन्दुमा पुगेको छ ।
बैंकिङ ७, विकास बैंक १११, फाइनान्स १४८ र व्यापार उपसमूह १७८ अंकले बढेको छ । त्यस्तै, होटल तथा पर्यटन १०, हाइड्रोपावर १७, माइक्रोफाइनान्स ६, जीवन बीमा २५, निर्जीवन बीमा २५, अन्य १० र उत्पादन ७० अंकले घटेको छ ।
आज सेन्ट्रल फाइनान्स र आईसीएफसी फाइनान्सको सेयर सबैभन्दा धेरै १० प्रतिशतले बढेको छ । समग्रमा बजार बढेपनि आज चिरख्वा हाइड्रोपावरको सेयर साढे चार प्रतिशत भन्दा धेरैले घटेको छ ।
यस दिन ३१४ कम्पनीको एक करोड ७१ लाख कित्ता सेयर ५ अर्ब ८ करोडमा कारोबार भएको छ ।
