नेकपा (एकीकृत समाजवादी)ले प्रधानमन्त्री पुष्पकमल दाहाल प्रचण्डलाई विश्वासको मत दिने भएको छ । एस महासचिव घनश्याम भुसालले प्रधानमन्त्री प्रचण्डले सरकार नछाडेसम्म सरकारलाई दिएको समर्थन फिर्ता नलिने बताएका हुन् ।
बिहीबार पार्टीको महाधिवेशनस्थल प्रज्ञा भवनमा सञ्चारकर्मीसँग कुरा गर्दै भुसालले प्रधानमन्त्रीले सदनमा विश्वासको मत लिए पक्षमा मतदान गर्ने बताएका हुन् । विश्वासको मत लिने वा नलिने अधिकार प्रधानमन्त्रीलाई रहेको भन्दै उनले सदनमा विश्वासको मत लिए पक्षमा मतदान गर्ने बताएका हुन् ।
कांग्रेस–एमालेबीचको सहमतिलाई सतर्कताका साथ हेरिरहेको भन्दै उनले संविधान संशोधनको मुद्दा स्पष्ट रूपमा बाहिर आए पार्टीमा छलफल गर्ने बताए ।
