जनादेश, काठमाण्डौ ।
कोरोना संक्रमितको संख्या बढ्दै गएपछि कोरोना बीमा गर्नेको संख्या पनि बढेको छ ।संक्रमितको ग्राफ उकालो लाग्दै गर्दा कोरोना त्रासमा रहेकाले धमाधम कोरोना बीमा गर्न थालेपछि बीमा गर्नेको संख्या साढे सात लाख पुगेको छ ।
बीमा समितिका अनुसार कोरोना बीमाबाट ४२ करोड प्रिमियम संकलन भएको छ भने दाबीका लागि आउनेको संख्या पनि दुई सय ६० भन्दा माथि लागेको छ ।
सुरुवातमा खासै आकर्षण नदेखिएको कारोना बीमा पछिल्लो समय लोकप्रिय बनिरहेको भन्दै समितिका कार्यकारी निर्देशक राजुरमण पौडेलले यसले सर्वसाधारणमा बीमा गर्नुपर्छ भन्ने सन्देश दिएको बताउनुभयो ।
वैशाख७ देखि सुरु भएको कोरोना बीमा कार्यक्रमले सुरुवातमा खासै उचाइ लिन नसके पनि चार महिनाको अवधिमा संख्या उल्लेख्य बढेको हो ।समितिको असार महिनाको तथ्यांक अनुसार वैदेशिक रोजगारसहित २७ प्रतिशत जनतामा बीमा पुगेको छ ।
