जनादेश घोराही:
रोल्पामा बाढिले पानी मिल सहित किराना पसल बगाउदा लाखौँ मुल्य बराबरको क्षति भएको छ । त्रिबेणी गाउँपालिका ५ नयाँ बस्ति बस्ने खिमलाल बुढाको दिर्घायु पानी मिल बगाउँदा १० लाख मुल्य बराबरको क्षति भएको प्रहरीले जनाएको छ ।
यस्थानिय चौकी खोलामा आएको बाढीले मिल बगाएको हो । यस्तैगरी थवाङ गाउँपालिका ३ सिलवाङ स्थित ओमबहादुर बुढाको किराना पसल पहिराले पुर्दा ७० हजार मुल्य बराबरको क्षति भएको छ ।
प्रहरीले दिएको विवरण अनुसार रोल्पाका विभिन्न स्थानमा पहिरोले घर बगाएको छ । रोल्पा नगरपालिका ८ नम्ली स्थितमा उपस्वास्थ्य चौकीको भवन, सोहि ठाउँको सुनौलो आमा समुहको भवन र सोहि समुह मार्फत सन्चालित मिलमा पहिरोका कारण पुर्ण रुपमा क्षति भएको छ ।
साथै सोहि ठाउँका रुपा वलीको २ तले घर भत्किएको प्रहरीले बताएको छ । भवन, मिल र घर भत्किदा झन्डै दश लाख बराबरको क्षति भएको छ ।
