जनादेश वेदर वाच ।
आज दिउँसो प्रदेश १, बाग्मती, गण्डकी तथा लुम्बिनी प्रदेशको पहाडी भू–भागमा आंशिक बदली रहे पनि बाँकी भागमा मौसम सामान्यतया सफा रहने मौसम पूर्वानुमान महाशाखाले जनाएको छ ।
यस्तै, प्रदेश १, बाग्मती र गण्डकी प्रदेशका उच्च पहाडी तथा हिमाली भू–भागका एक–दुई स्थानमा हल्का हिमपातको सम्भावनासमेत रहेको अनुमान छ ।
आज राती प्रदेश १, बाग्मती, गण्डकी र लुम्बिनी प्रदेशका पहाडी भू–भागमा आँशिक बदली रही बाँकी भागमा मौसम सामान्यतया सफा रहने छ ।
प्रदेश १, बाग्मती र गण्डकी प्रदेशका पहाडी भू–भागको एक-दुई स्थानमा हल्का वर्षा र उच्च पहाडी तथा हिमाली भागका एक–दुई स्थानमा हल्का हिमपातको सम्भावना रहेको महाशाखाले जनाएको छ ।
आज देशभर चिसो बढ्ने क्रममा रहेकाले आवश्यक सतर्कता अपनाउन महाशाखाले आग्रहसमेत गरेको छ ।
‘देशका प्रदेश नं १, बाग्मती र गण्डकी प्रदेशका उच्च पहाडी तथा हिमाली भू–भागका एक–दुई स्थानमा हल्का हिमपातको सम्भावना रहनुका साथै देशभर चिसो बढ्ने क्रम रहने देखिएकोले आवश्यक सतर्कता अपनाउनु हुन अनुरोध छ’, महाशाखाले आज जारी गरेको सूचनामा भनिएको छ ।
