घोराही,
प्रदेश ५ सरकार अन्तरगत खानेपानी तथा सरसफाई डिभिजन कार्यालय दाङको ७० प्रतिशत र उपभोक्ताको ३० प्रतिशत लागतमा निर्माण सम्पन्न भएको नर्ती खानेपानी आयोजना उपभोक्तालाई हस्तान्तरण गरिएको छ ।
प्रदेश ५ का मुख्यमन्त्री शंकर पोख्रेलले खानेपानी सरसफाई तथा उपभोक्ता समितिका अध्यक्ष कुलचन्द्र पोख्रेललाई स्वामित्व प्रमाणपत्र हस्तान्तरण गर्नुभयो ।
मुख्यमन्त्री पोख्रेलले सरकारले केही गरेन भनेर भन्नेहरुका लागी प्रदेश सरकारले खानेपानी क्षेत्रमा हाँसील गरेको उपलब्धी हेर्न अनुरोध गर्नुभयो । सरकारले काम गरिरहेकाले त्यसको प्रोत्साहन जनस्तरबाट आवश्यक पर्ने तर्क गर्नुभयो ।
प्रदेश भौतीक पूर्वाधार विकास मन्त्री बैजनाथ चौधरीले खानेपानीका लागी संरचना बनाएर मात्रै नपुग्ने भन्दै पानीको स्रोत संरक्षणमा ध्यान दिन उपभोक्तालाई आग्रह गर्नु भएको छ ।
दाङ पानीको स्रोत कम भएको जिल्लाको रुपमा रहेको भन्दै उहाँले जलासय निर्माण गरेर पानीको स्रोत संरक्षण गर्नुपर्नेमा जोड दिनुभएको छ ।
