जनादेश काठमाडौं ।
निषेधाज्ञाकाबीच रातो मच्छिन्द्रनाथको रथ तानिएको छ । कोरोना महामारी र लकडाउनका कारण निर्धारित तिथिमा हुन नसकेको रथयात्रा अहिलेसम्म स्थगित रहँदै आएको रथलाई स्थानीय युवा र केही गुठीयारहरूले निषेधाज्ञा तोडेर तान्ने प्रयास गरेका हुन् ।
प्रचलनअनुसार मलमास अगाडि नै मच्छिन्द्रनाथलाई बुंगमती लग्नुपर्ने भएकाले निषेधाज्ञा मिचेको स्थानीय वासिन्दाले बताएका छन् । असार १० गतेबाट रथ निर्माण सुरू भएको थियो । मच्छिन्द्रनाथ महास्नानको भोलिपल्टदेखि रथ बनाउने चलन छ ।
गत चैत २७ गते मच्छिन्द्रनाथको निर्माण समय तोकिए पनि लकडाउनका कारण काम हुन सकेको थिएन। लकडाउन खुकुलो भएसँगै नयाँ साइत निकालेर क्षमापूजा गरेपछि पुल्चोकमा निर्माण सुरू गरिएको थियो।
अभियन्ताहरुले रथयात्राका क्रममा गरेको फेसबुक लाइभमा थुप्रै मानिसहरु रथ तान्न झुम्मिएको देखिएको छ
