जनादेश, काठमाण्डौ ।
जिल्ला प्रशासन कार्यालय, ललितपुरले चक्रपथ क्षेत्रभित्र कर्फ्यू आदेश जारी गरेको छ ।
जिल्ला प्रशासन कार्यालय ललितपुरमा प्रमुख जिल्ला अधिकारी, प्रहरी र स्थानीय जनप्रतिनिधिको बैठकले कर्फ्यू आदेश जारी गर्ने निर्णय गरे अनुसार भोलि विहान ४ बजेदेखि राति १० बजेसम्म कर्फ्यू आदेश जारी गरेको सहायक प्रमुख जिल्ला अधिकारी ललितबहादुर बस्नेतले जानकारी दिए ।
ललितपुरका प्रमुख जिल्ला अधिकारी नारायण प्रसाद भट्टले अवस्था सामान्य बनाउन कर्फ्यू जारी गरिएको र रथलाई पुल्चोकबाट ७ सय मिटर अघिसम्म तान्ने र २६ गते बुङ्मति लैजाने निर्णय भएको नागरिकखबरलाई जानकारी दिए ।
प्रहरीले अराजक क्रियाकलाप र प्रहरीमाथि हातपात गर्ने १० जनालाई नियन्त्रणमा लिएको छ ।
