जनादेश, काठमाण्डौ ।
पछिल्लो ३ बर्षको अबधीमा साढे ७ हजार बढी प्रहरी कर्मचारीले जागिर छाडेका छन् । जागिर छोड्नेमा कार्यालय सहयोगीदेखि प्रहरी नायव महानिरीक्षक डीआईजी सम्मका रहेका छन् ।
पछिल्लो तीन वर्षमा ७ हजार ७ सय १४ प्रहरी कर्मचारीले जागिर छाडेको प्रहरी प्रधान कार्यालयले जनाएको छ ।
जागिर छोड्नेमा जवान र हवल्दार धेरै रहेका छन् । ति ७ हजार ७ सय १४ जना प्रहरी कर्मचारीले जागिर छाड्दा सरकारलाई ४ अर्व ९० करोड ३९ लाख रुपैयाँ नोक्सान भएको छ ।
प्रहरी भर्ना देखी आबस्यक तालिम, भोजन सहित अन्य विभिन्न सेवा सुबिधामा सरकारले ४ अर्ब ९० करोड खर्च भएको प्रहरी प्रधान कार्यालयको भनाई छ ।
