चन्द्रप्रकाश नेपाली, घोराही ।
प्युठानमा तास खेलिरहेका ६ जनालाई ८६ हजार रुपैयाँ सहित प्रहरीले पक्राउ गरेको छ । प्युठान नगरपालिका ४ स्थित लालीगुराँस होटलमा तास खेलिरहेका ६ जनालाई ८६ हजार ५ सय रुपैयाँ सहित पक्राउ परिएको प्रदेश प्रहरी कार्यालय तुलसीपुरले जनाएको छ ।
उनिहरुको साथबाट ३ गड्डी तास समेत बरामद भएको छ । तास खेली रहेको सूचना पाएपछि प्रहरीले छापा मारेको र नियन्त्रणमा लिएको प्रहरी वरीष्ठ उपरीक्षक राजकुमार वैदवारले जानकारी दिनुभयो ।
उनिहरुलाई जुवा ऐन अन्तरगत मुद्धा दर्ता गरि कार्वाही प्रकृया सुरु गरिएको छ ।
बाढीपहिरोमा बेपत्ता भएका थप २ को शव फेला घोराही, २४ भदौ बाग्लुङको ढोरपाटन९ स्थित भुजी खोलामा एक साता पहिले आएको बाढीपहिरोमा वेपत्ता भएकामध्ये थप २ जनाको शव फेला परेको छ । खोला किनारमा ३२ बर्षकी चनी बिक र २८ बर्षकी कुमारी बिकको शव भेटिएको प्रहरी निरिक्षक प्रकाशसिंह भण्डारीले बताए ।
अहिले सम्म फेला परेका १९ वटै शवको पहिचान भएको छ । घटनामा अझै १९ जना बेपत्ता छन् । घटनास्थलदेखि झण्डै १ सय किमी दक्षिण सम्म खोजी कार्य जारी राखेको प्रहरीले जनाएको छ । बाढीपहिरोले ८० घर पूर्ण रुपमा र ५१ घर आंशिक क्षति पु¥याएको छ ।
