एजेन्सी ।
इन्डियन प्रिमियर लिग आइपिएल क्रिकेटमा मुम्बई इन्डियन्सले कोरकाता नाइट राइडर्समाथि ४९ रनको जित निकालेको छ ।
बुधबार भएको खेलमा मुम्बईले आफ्नो दोस्रो खेलमा पहिलो खेल खेलेको मुम्बइलाई पराजित गरेको हो ।
पहिले ब्याटिङ गरेको मुम्बईले २० ओभरमा ५ विकेट गुमाएर १ सय ९५ रनको बलियो स्कोर खडा गरेको थियो र यो नै जितको आधार रह्यो। त्यस चुनौती सामु कोलकाता २० ओभरमा ९ विकेट गुमाएर १ सय ४६ रनमै सीमित रह्यो।
कोलकाताका लागि ब्याट्सम्यानले गतिलो योगदान दिन सकेनन्। कप्तान दिनेश कार्तिकले ३० रन बनाए। प्याट कुमिन्सले बनाएको ३३ रन नै सर्वाधिक ठूलो स्कोर सावित भयो । यस्तै नितिश राणाले २४ रन बनाए। अन्य कोही पनि ब्याट्सम्यानले राम्रो गर्न सकेनन्।
यसअघि मुम्बईका लागि कप्तान रोहित शर्माले ५४ बलमा ८० रन बनाए। उनले ३ चौका र ६ छक्का प्रहार गरे।
यस्तै सूर्यकुमार यादवले २८ बलमा ४७ रनको गतिलो योगदान दिए। उनीहरूले दोस्रो विकेटका लागि ९० रनको साझेदारी गरे।
आज किंग्स इलेभेन पन्जाब र रोयल च्यालेन्जर्स बेंग्लोरबीच खेल हुनेछ।
