जनादेश संवाददाता
घोराही । दाङमा १२ बर्ष देखी वन क्षेत्र अतिक्रमण गरी बनाईएका पक्की घरहरु हटाई बृक्षारोपण गरिएको छ । डिभिजन वन कार्यालय दाङले तुलसीपुर उपमहानगरपालिका१३ स्थित जनकल्याण सामुदायिक वन अतिक्रमण गरि बस्दै आएकालाई हटाई बृक्षारोपण गरेको हो ।
विगत १२ बर्ष देखि करिब २ हेक्टर वन अतिक्रमण गरि पक्की घर बनाएर बसेकालाई हटाई तारबार सहित बृक्षारोपण गरिएको डिभिजन वन कार्यालय दाङका प्रमुख दिपक ज्ञवालीले जानकारी दिनुभयो ।
अतिक्रमित क्षेत्र खाली गरेपछि वनका पदाधिकारी, उपभोक्ता, वन कार्यालयका कर्मचारीले बृक्षरोपण गरेका हुन् । अतिक्रमण गरि चर्चिदै आएको जमिनमा स्थानियहरुले खेतीपाती समेत गर्दै आएका थिए ।
