एजेन्सी ।
विश्वमा कोरोनाका कारण ज्यान गुमाउनेको संख्या १० लाख नाघेको छ ।
गत चौबीस घण्टामा ३ हजार थप जनाको ज्यान गएपछि ज्यान गुमाउनेको संख्या १० लाख पार भएको हो ।
अहिलेसम्म अमेरिकामा २ लाख ९ हजार, अमेरिकामा ९५ हजार र ब्राजिलमा १ लाख ४१ हजार जनाको कोरोनाकै कारण ज्यान गैसकेको छ ।
त्यस्तै विश्वमा कोरोना संक्रमित हुने मानिसको कुल संख्या ३ करोड ३२ लाख नाघेको छ ।
गत चौबीस घण्टामा २ लाख ५० हजार कोरोना संक्रमित थपिएपछि अहिलेसम्म संक्रमित हुनेको संख्या ३ करोड ३२ लाख ९७ हजार भन्दा बढी पुगेको छ ।
कुन देशमा कति
सबैभन्दा बढी संक्रमित रहेको अमेरिकामा गत चौबीस घण्टामा ३३ हजार विरामी थपिएका छन् । योसँगै त्यहाँ कोरोना संक्रमितको संख्या ७३ लाख २० हजार नाघको छ ।
त्यहाँ २४ घण्टामा २ सय जना भन्दा बढीको कोरोनाका कारण मृत्यु भएको छ । योसँगै अमेरिकामा मृत्यु हुनेको संख्या २ लाख ९ हजार ४ सय भन्दा बढी पुगेको छ ।
त्यस्तै सर्वाधिक संक्रमणदर रहेको भारतमा गत चौबीस घण्टामा ८२ हजार भन्दा बढी बिरामी थपिएका छन् । योसँगै भारतमा कुल संक्रमितको संख्या ६० लाख ७३ हजार पुगेको छ ।
त्यहाँ चौबीस घण्टामा १ हजार भन्दा बढीले ज्यान गुमाएका छन् । र मृत्यु हुनेको कुल संख्या ९५ हजार नाघेको छ ।
त्यस्तै ब्राजिलमा चौबीस घण्टामा १४ हजार भन्दा बढी बिरामी थपिएर कुल संक्रमितको संख्या ४७ लाख ३२ हजार पुगेको छ ।
विश्वमा २ करोड ४६ लाख २१ हजार मानिसले भने कोरोना जित्न सफल भएका छन् ।