एजेन्सी ।
स्पेनिस ला लिगा फुटबल अन्तर्गत पछिल्लो खेलमा बार्सिलोना एथ्लेटिको मड्रिडसँग पराजित भएको छ । शनिबार भएको खेलमा मड्रिडले बार्सिलोनालाई १–० ले पराजित गरेको हो ।
एथ्लेटिकोको जितमा पहिलो हाफको इन्जुरी समयको तेस्रो मिनेटमा यानिक कार्रास्कोले गरेको गोल नै निर्णायक बन्यो ।
दोस्रो हाफमा बार्सिलोनाका डिफेन्डर जेरार्ड पिके घुँडामा चोट लागेका कारण मैदानबाट बाहिर निस्कन बाध्य भए । उनको चोटको अवस्था यकिन रुपमा थाहा भएको छैन । तर उनी अधिकतम ६ महिना मैदान बाहिर हुन सक्ने बताइएको छ ।
हारपछि १० औँ स्थानको बार्सिलोनाको ८ खेलबाट मात्रै ११ अंक छ । उ शीर्ष र दोस्रो स्थानका रियल सोसिडाड र एथ्लेटिको मड्रिड भन्दा ९ अंकले पछि रहेको छ ।
