एजेन्सी ।
च्याम्पियन्स लिग फुटबल अन्तर्गत मंगलबार राति भएको खेलमा समूह सी को म्यानचेस्टर सिटी एफसी पोर्टोसँग गोलरहित बराबरीमा रोकिएको छ ।
अन्तिम समयमा गरेको गोलले मान्यता नपाए पनि सिटी समूहको शीर्ष स्थानमा कायम रहन सफल भयो ।
अतिरिक्त खेलाडीका रुपमा मैदान आएका गाब्रियल जिससले अन्तिम समयमा गोल गरेका थिए । तर उनको गोल अफसाइडका कारण खारेज भयो ।
गोलरहित बराबरीमा बाबजुद पनि पाँच खेलबाट १३ अंक जोडेको सिटी समूहको शीर्ष स्थानमा छ । दोस्रो स्थानको पोर्टोको १० अंक भएको छ ।
ओलम्पिकासलाई २–१ ले पराजित गरेको मार्सेइलीले पहिलो जित निकालेर तीन अंक जोडेको छ ।
यसैगरी समूह ए अन्तर्गत मंगलबार राति नै भएको खेलमा एथ्लेटिको मड्रिड र बार्यन म्युनिखले १–१ को बराबरी खेलेका छन् ।
