जनादेश, काठमाडौँ ।
गृह मन्त्रालयले उखु किसानको बक्यौता रकम भुक्तानी नदिएका चिनी मिल सञ्चालकलाई पक्राउ गर्न निर्देशन दिएको छ । मन्त्रालयले चार वटा मिलका सञ्चालकलाई पक्राउ गर्न जिल्ला प्रशासन कार्यालयहरुलाई निर्देशन दिएको हो ।
इन्दिरा सुगर मिल नवलपरासी, लुम्बिनी सुगरमिल नवलपरासी, अन्नपूर्ण सुगरमिल सर्लाही र श्रीराम सुगरमिल रौतहटका सञ्चालकलाई पक्राउ गर्न निर्देशन दिइएको हो ।
आफ्नो परिश्रमको रकम पाउनुपर्ने माग राख्दै उखु किसान काठमाडौँ आइपुगेका छन् । काठमाडौँ आइुपगेका माइतीघर मण्डलामा प्रदर्शन गरेका छन् ।
