काठमाडौं ।
छात्रालाई अभद्र व्यवहार गरेको आरोपमा काठमाडौंको प्रदर्शनी मार्गस्थित रत्न राज्य लक्ष्मी (आरआर) क्याम्पसका एक जना प्राध्यापक पक्राउ परेका छन् । पक्राउ पर्नेमा आरआर क्याम्पसका ४५ वर्षीय प्राध्यापक विष्णुप्रसाद आचार्य रहेका छन् ।
उनले कलेजकै एक छात्रालाई सामाजिक सञ्जालमार्फत यौन उत्पीडन गरेको आरोप लागेको छ । आचार्यलाई सोमबार कलेज परिसरबाटै पक्राउ गरिएको प्रहरीले जनाएको छ ।
प्राध्यापक आचार्यलाई नियन्त्रणमा लिएर अभद्र व्यवहारसम्बन्धी कसुरमा म्याद थप गरी अनुसन्धान भइरहेको प्रहरीले जनाएको छ ।
