जनादेश, काठमाडौँ ।
नेकपा प्रचण्ड-नेपाल समूहकी नेतृ रामकुमारी झाँक्रीलाई पक्राउ गर्न केपी ओली नेतृत्वको नेकपा अखिल नेपाल महिला संघ (अनेमसंघ) ले
गृहमन्त्री रामबहादुर थापालाई ज्ञापन पत्र बुझाएको छ ।
माघ १६ गते गोरखाको सिरानचोक गाउँपालिकामा भएको एक कार्यक्रममा झाँक्रीले राष्ट्रपति विद्यादेवी भण्डारीको चारित्रिक हत्या गरेको आरोप लगाउँदै अनेमसंघले कारवाहीको माग गरेको छ ।
ज्ञापन पत्रमा नेतृ झाँक्रीले राष्ट्रपति भण्डारीको चारित्रिक हत्या गर्दै विभिन्न लाञ्छना, गाली बेइज्जति गरी व्यक्तिगत, पारिवारिक तथा राष्ट्रपतिकै इज्जतमा समेत धक्का पुर्याउने नियतले आपत्तिजनक र अपमान जनक शब्दहरु प्रयोग गरेकाले प्रक्राउ गरी कानुन बमोजिम कारबाही गर्न माग गरिएको छ।
