जनादेश, काठमाडौँ ।
त्रिभुवन अन्तर्राष्ट्रिय विमानस्थलबाट प्रहरीले सुन जस्तो देखिने पहेँलो धातुसहित एक जनालाई पक्राउ गरेको छ । पक्राउ पर्नेमा सर्लाही मलंगवा नगरपालिका घर भई हाल काठमाडौं महानगरपालिका ३२ पेप्सीकोला बस्ने ४१ वर्षीय मो.मेराज मिकरानी रहेका छन् ।
उनलाई १ सय ५० ग्रामको ३ थान सुन जस्तो देखिने पहेँलो रंगको धातुको बालासहित आइतबार दिउँसो पक्राउ गरिएको प्रहरीले जनाएको छ । अन्तर्राष्ट्रिय आगमनतर्फको पार्किङ एरियामा कतार एअरवेयजको उडानद्वारा दोहाबाट आएका यात्रुहरुलाई भन्सार छली गर्न लगाई अवैध रुपमा संकलन गरी उक्त धातु लैजान लागेको अवस्थामा मिकरानीलाई प्रहरीले पक्राउ गरेको हो ।
पक्राउ परेका मिकारानीमाथि थप अनुसन्धान चलिरहेको प्रहरीले जनाएको छ ।