काठमाडौँ । बिहिबार सेयर बजार परिसूचक नेप्से ३.२४ अंकले घटेर एक हजार ९६५.९३ विन्दुमा पुगेको छ ।
आज बैंकिङ २, विकास बैंक ७, होटल तथा पर्यटन २१, हाइड्रोपावर ११, उत्पादन ४७, माइक्रोफाइनान्स १४ र अन्य उपसमूह ५ अंकले घटेको छ । त्यस्तै, जीवन बीमा ४३, निर्जीवन बीमा २०, फाइनान्स ६२ र ब्यापार उपसमूह ३ अंकले बढेको छ ।
आज सबैभन्दा धेरै सबैको लघुवित्त वित्तिय संस्थाको सेयर ६ प्रतिशत भन्दा धेरैले घटेको छ । समग्रमा बजार घटेपनि आज मल्टीपरपस फाइनान्सको सेयर ९.९९ प्रतिशतले बढेको छ ।
यस दिन ३०३ कम्पनीको ६३ लाख कित्ता सेयर २ अर्ब ३६ करोडमा कारोबार भएको छ ।
