जनादेश, घोराही दाङ।
राप्ती इञ्जिनियरिङ कलेज घोराही दाङमा वि.ई. सिभिल चौथो र छैठो सेमेष्टरमा अध्ययनरत विद्यार्थीहरुले वर्तमान समयमा प्रबलीकरणको महत्व सम्बन्धी तालिम लिएकाछन् ।
तालिम कार्यक्रमका प्रमुख अतिथि राष्ट्रिय भुकम्प प्रविधि समाज नेपालका उप-कार्यकारी निर्देशक डा. रमेश गुरागाईले प्रवलीकरणको महत्व, नेपालको परिपेक्षमा प्रबलीकरण प्रयोग र आवश्यकता, प्रबलिकरण गर्ने तरिका र लागत तथा राष्ट्रिय भुकम्प प्रविधि समाज नेपालले घोराही उप–महानगरपालिमा गरेका स्थानको जानकारी गराउनु भएको थियो ।
स्थानीय विकास प्रशिक्षण प्रतिष्ठानका कार्यकायरी निर्देशक एवं राप्ती इञ्जिनियरिङ कलेजका अध्यक्ष डा. शैलेन्द्रले यो तालीमबाट विद्यार्थीहरुले आफ्नो क्षेत्रको ज्ञान र सीपलाई सहि रुपमा प्रयोग गर्न सकेमा निमार्ण लागत कम गर्न र राम्रोसंग प्रबलिकरण गर्न सकिने बताउनु भयो । आधुनिक प्रविधिको प्रयोग गरेर पुराना संरचनाहरुलाई पुनः निमार्ण गर्न सकिने हुँदा सिभिल ईन्जिनियरहरुले पनि काम पाउँन गाह्रो नहुने उहाँले बताउँनु भयो ।
कार्यक्रमको सहजीकरण एकेडेमिक कोर्डिनेटर एवं वि ई. सिभिल विभागिय प्रमुख ई. बाबुराम जोशीले गर्नुभएको थियो । उक्त तालीममा ६० जना विद्यार्थीहरुको सहभागीता रहेको कलेजले जनाएको छ ।
साथै राप्ती इञ्जिनियरिङ कलेज घोराही दाङ र राष्ट्रिय भुकम्प प्रविधि समाज नेपाल बीच ५ बर्षको लागि प्रबलीकरण गर्ने सम्झौता सम्पन्न भएको छ । सम्झौता पत्रमा कलेजको तर्फबाट प्रिन्सिपल रेशम गिरी र राष्ट्रिय भुकम्प प्रविधि समाज नेपालको तर्फबाट उप-कार्यकारी निर्देशक डा. रमेश गुरागाईले हस्ताक्षर गर्नु भएको थियो ।