जनादेशसंवाददाता,
कपिलवस्तु । कपिलवस्तुको वाँणगंगा नगरपालिकालाई नेपालको उत्कृष्ट नगरपालिका घोषणा गरिएको छ ।
नेपाल नगरपालिका संघले कपिलवस्तुको वाँणगंगा सहित तीन नगरपालिकालाई उत्कृष्ट नगरपालिका घोषणा गरेको हो ।
वाँणगंगा नगरपालिका सुशासन र सेवा प्रवाह तर्फ उत्कृष्ट भएको नेपाल नगरपालिका संघका अध्यक्ष अशोक व्याञ्जुले जानकारी दिनुभयो । नेपाल नगरपालिका संघले विभिन्न सूचंकहरुका आधारमा विज्ञहरुको सिफारिस अनुसार हरेक वर्ष उत्कृष्ट नगरपालिका घोषणा गर्दै आएको छ । सोही आधारमा रहेर ३ नगरपालीकालाई उत्कृष्ट नगरपालिका घोषणा गरिएको हो ।
त्यस्तै पर्वतको फलेवास र धादिङको नीलकण्ठ नगरपालिकालाई पनि नेपालको उत्कृष्ट नगरपालिका घोषणा गरिएको छ । फलेबास नगरपालिका स्रोत परिचालन र वित्तीय व्यवस्थापन तर्फ र नीलकण्ठ नगरपालिका योजना, वातावरण र संकटापन्नता तर्फ उत्कृष्ट भएको अध्यक्ष व्याञ्जुले जानकारी दिनुभयो ।
