चन्द्रप्रकाश नेपाली,
घोराही। बाँकेको नेपालगन्ज भेरी अस्पतालमा १ हजार ८८ जनाको स्वाब परिक्षण गर्दा आज दाङका २ जनामा कोरोना संक्रमण पुष्टि भएको छ ।
जिल्लाको राप्ती गाउँपालिका वडा नम्बर २ र गढवा गाउँपालिका वडा नम्बर ४ का दुई जना पुरुषमा संक्रमण पुष्टि भएको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले जानकारी दिनुभएको छ ।
यस्तै त्रिभुवन विश्व विद्यालय शिक्षण आस्पताल महाजगञ्ज काठमाण्डौमा स्वाब परिक्षणका क्रममा दाङका एक जनामा संक्रमण पुष्टि भएको डा.गौतमको भनाई छ । ती व्यक्तिको ठेगाना भने खुल्न सकेको छैन । यो संगै जिल्लामा कोरोना संक्रमितको संख्या ६ सय ४५ पुगेको छ ।
