जनादेश, काठमाडौं ।
प्रहरीले काठमाडौँको कागेश्वरी मनोहरा नगरपालिकास्थित पेप्सिकोलाबाट नवजात शिशुको जीवितै उद्दार गरेको छ ।
कपडाले बेरेर झाडीमा फालेको अवस्थामा फेला परेको शिशुलाई पेप्सीकोलामा रहेको मदरल्याण्ड अस्पताल लगिएको प्रहरीले जनाएको छ । शिशु फालेको आशंकामा प्रहरीले सिन्धुपाल्चोक सिपापोखरी घर भएकी १७ वर्षीया किशोरीलाई पक्राउ गरेको छ । पक्राउ परेकी किशोरीले भने सो शिशु आफ्नो नभएको बताएकी छन् ।
घटनाका बारेमा थप अनुसन्धान चलिरहेको प्रहरीले जनाएको छ ।
