घोराही,
राजनितिक, सामाजिक, शैक्षिक र साहित्यक क्षेत्रका अगुवा एकराज शर्माले लेख्नुभएको मेरो अतीत नामक पुस्तकको आज बिमोचन गरिएको छ ।
८८ औँ जन्मदिनका अबसरमा शर्माले अहिले सम्मको आफ्ना जीवनका कथाव्यथा उक्त मेरो अतीत नामक पुस्तकमा लेखेर आज बिमोचन गराउनुभएको हो ।
परिषद्का अध्यक्ष पुरुषोत्तम खनालको अध्यक्षता र एवं प्राध्याक श्रीधर मजगैया र बरिष्ठ पत्रकार एवं साहित्यकार नारायणप्रसाद शर्माको विशिष्ठ आतिथ्यतामा पुस्तकको विमोचन कार्यक्रम भएको हो ।
पुस्तकको बिमोचन भने लेखक शर्माका नाती संस्कार शर्माले गर्नुभएको हो । उक्त पुस्तकको बिमोचन गर्दै रमेशकुमार अधिकारी र डा. अमर गिरीले शर्मा एक राजनितिक, सामाजिक, शैक्षिक र साहित्यको खुल्ला व्यक्तित्व रहेको चर्चा गर्नुभयो ।
नयाँ युगबोध राष्ट्रिय दैनिकका प्रकाशक सम्पादक प्रताप रेग्मीको स्वागत मन्तव्यबाट सुरुभएको कार्यक्रमको सहजिकरण परिषद्का उपाध्यक्ष कमलमणि देवकोटाले गर्नुभएको थियो ।
