काठमाण्डौ,
नबिल बैंकले नेपाल सरकारले कोरोना संक्रमण रोकथाम, नियन्त्रण र उपचारका लागि खडा गरेको कोषमा ६ करोड रुपैयाँ सहयोग प्रदान गरेको छ ।
बैंकका प्रमुख कार्यकारी अधिकृत अनिलकेशरी शाहले सहयोग रकमको चेक अर्थमन्त्री युवराज खतिवडालाई हस्तान्तरण गरेका हुन् ।
अर्थ मन्त्रालयमा आयोजित चेक हस्तान्तरण कार्यक्रममा बैंकका संस्थागत सामाजिक उत्तरदायित्वका संयोजक निर्वाण चौधरी पनि सहभागी थिए ।
शाहले कोरोना भाइरस महामारीविरुद्ध नेपाल सरकारले गरेका प्रयासमा मद्दत गर्न पाउनु ठूलो सम्मान भएको बताए ।
बैंकको संस्थागत सामाजिक उत्तरदायित्व कोष नेपालभरि आफ्ना ग्राहकहरूलाई बैंकिङ सेवाहरू प्रदान गर्ने नबिल कर्मचारीहरूको प्रयासबाट उत्पन्न भएको उनको भनाइ थियो ।
Source: https://nayapatrikadaily.com/news-details/49402/2020-08-17
