मंगलबार सेयर बजार दोहोरो अंकले घटेको छ । सेयर बजार परिसूचक नेप्से १०.१० अंकले घटेर एक हजार ८३७.७१ विन्दुमा पुगेको छ ।
बैंकिङ २, विकास बैंक १५, फाइनान्स १३, होटल तथा पर्यटन ८७, जलविद्युत् ११, उत्पादन १२४, माइक्रोफाइनान्स २९, निर्जीवन बीमा ४२, अन्य ७ र ब्यापार उपसमूह ३० अंकले घटेको छ । त्यस्तै, जीवन बीमा उपसमूह १६ अंकले बढेको छ ।
आज सबैभन्दा धेरै विशाल बजार कम्पनीको सेयर साढे ९ प्रतिशतले घटेको छ । समग्रमा बजार घटे पनि आज सिङ्गटी हाइड्रो इनर्जीको सेयर १० प्रतिशतले बढेको छ ।
यस दिन २९२ कम्पनीको ४६ लाख ९८ हजार कित्ता सेयर १ अर्ब ५४ करोड रुपैयाँमा कारोबार भएको छ । सबैभन्दा धेरै माउन्टेन इनर्जी नेपालको ३६ करोड २९ लाख रुपैयाँको सेयर किनबेच भएको छ ।
