बिहिबार सेयर बजार परिसूचक नेप्से ८.७१ अंकले घटेर दुई हजार ०४९.२८ विन्दुमा पुगेको छ ।
बैंकिङ ६, विकास बैंक ३२, फाइनान्स १६, होटल तथा पर्यटन २६, जीवन बीमा १३७, माइक्रोफाइनान्स ११, अन्य ५८, निर्जीवन बीमा १०४ र उत्पादन उपसमूह ३७ अंकले घटेको छ । त्यस्तै, व्यापार ६६ र जलविद्युत् उपसमूह ४४ अंकले बढेको छ ।
आज सिद्धार्थ प्रिमियर इन्स्योरेन्सको सेयर सबैभन्दा बढी साढे पाँच प्रतिशतले घटेको छ । समग्रमा बजार घटे पनि कालीका पावर कम्पनी, सिंगाटी हाइड्रो इनर्जी र नेपाल वेयरहाउजिङ कम्पनीको सेयर १० प्रतिशतले बढेको छ ।
यस दिन ३०३ कम्पनीको एक करोड ६० लाख कित्ता सेयर ५ अर्ब ५८ करोड रुपैयाँमा कारोबार भएको छ ।
