काठमाडौँ । बुधबार सेयर बजार परिसूचक नेप्से ६४.२५ अंकले बढेर दुई हजार ७६०.९० विन्दुमा पुगेको छ ।
बैंकिङ १६, विकास बैंक १६९, जीवन बीमा २६४, उत्पादन १४१, होटल तथा पर्यटन २०८, अन्य ७९, माइक्रोफाइनान्स ३४, फाइनान्स २६२, हाइड्रोपावर ६९, निर्जीवन बीमा २४३ र ब्यापार उपसमूह १०१ अंकले बढेको छ ।
आज यूनाइटेड अजोड इन्स्योरन्स, गूर्खा फाइनान्स, श्री इन्भेष्टमेन्ट फाइनान्स, रिलायन्स फाइनान्स, दिव्यसोरी हाइड्रोपावर, मकर जितुमाया सुरी आइड्रोपावर, नेपाल रिपब्लिक मीडीया र कुथली बुखरी स्मल हाइड्रोपावरको सेयर १० प्रतिशतले बढेको छ । समग्रमा बजार बढेपनि आज सिभिल बैंक डीबेन्चर २०८८ को सेयर झण्डै ८ प्रतिशतले घटेको छ ।
यस दिन ३३२ कम्पनीको ५ करोड ९ लाख कित्ता सेयर २१ अर्ब ९१ करोडमा कारोबार भएको छ ।
