जनादेश, काठमाण्डौ ।
नेप्सेको कारोबार प्रणाली (टीएमएस) मा समस्या देखिएको छ । यही कारण आइतबार लगानीकर्ताले निर्धारित समयमा सेयर कारोबार गर्न पाएनन् ।
समस्या समाधान हुँदा निर्धारित समय सकिएको थियो । तर नेप्सेले कारोबारका लागि २ घण्टा समय थप गरिदियो । थपिएको समयमा भने लगानीकर्ताले कारोबार गर्न पाएका थिए ।
नेप्सेको कारोबार प्रणालीमा समस्या आउनु नयाँ होइन । पटक–पटक विभिन्न समस्या आउने गरेका छन् ।
०७५ कात्तिक २० देखि नेप्सेले पूर्ण स्वचालित विद्युतीय कारोबार सुरु गरेयता सिस्टममा समस्या आएकै कारण पटक–पटक कारोबार अवरुद्ध हुँदै आएको छ ।
आइतबार पनि सोही अवस्था दोहोरिएको धितोपत्र ब्रोकरले बताएका छन् ।
